ಪ್ರತಿಯೊಬ್ಬರಿಗೂ ಜೀವನದಲ್ಲಿ ತಾನು ಮತ್ತು ತನ್ನ ಕುಟುಂಬದ ಭವಿಷ್ಯದ ಭದ್ರತೆ ಅತ್ಯಂತ ಮುಖ್ಯವಾಗಿದೆ. ನಾವು ಇಲ್ಲದ ಸಮಯದಲ್ಲಿ ನಮ್ಮ ಕುಟುಂಬದವರು ಆರ್ಥಿಕವಾಗಿ ಕಷ್ಟಪಡಬಾರದು ಎಂಬ ಉದ್ದೇಶದಿಂದ ನಾವೆಲ್ಲರೂ ಲೈಫ್ ಇನ್ಶೂರೆನ್ಸ್ ಅಥವಾ ಜೀವ ವಿಮೆಯನ್ನು ಮಾಡಿಸಲು ಬಯಸುತ್ತೇವೆ. ಮಾರುಕಟ್ಟೆಗೆ ಹೋದರೆ ನಮಗೆ ನೂರಾರು ಖಾಸಗಿ ಇನ್ಶೂರೆನ್ಸ್ ಕಂಪನಿಗಳು ಕಾಣಸಿಗುತ್ತವೆ. ಹಾಗೆಯೇ ಸರ್ಕಾರದ ಹಲವು ಯೋಜನೆಗಳು ಕೂಡ ಲಭ್ಯವಿವೆ. ಅಂತಹ ಸರ್ಕಾರಿ ಯೋಜನೆಗಳಲ್ಲಿ ಇಂದಿಗೂ ಜನಪ್ರಿಯವಾಗಿರುವ ಒಂದು ಯೋಜನೆ ಎಂದರೆ ಅದು ಪೋಸ್ಟಲ್ ಲೈಫ್ ಇನ್ಶೂರೆನ್ಸ್ (PLI), ಅಂದರೆ ಅಂಚೆ ಜೀವ ವಿಮೆ.
ಇಲ್ಲಿ ನಾವು ಈ ಯೋಜನೆ ಹಾಗೂ ಇದರಲ್ಲಿರುವ ವಿಧಗಳು, ಲಾಭಗಳು ಮತ್ತು ಈಗಿನ ಕಾಲದಲ್ಲಿ ಇದು ನಮಗೆ ಸಾಕಾಗುತ್ತದೆಯೇ? ಹಾಗೂ ಖಾಸಗಿ ಟರ್ಮ್ ಇನ್ಶೂರೆನ್ಸ್ ನಮಗೆ ಏಕೆ ಮುಖ್ಯ? ಎಂಬ ವಿಷಯಗಳನ್ನು ಅತ್ಯಂತ ಸರಳವಾಗಿ ತಿಳಿದುಕೊಳ್ಳೋಣ.
Postal Life Insurance (PLI) Post office Scheme ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ
ಪೋಸ್ಟಲ್ ಲೈಫ್ ಇನ್ಶೂರೆನ್ಸ್ ಅಥವಾ ಪಿಎಲ್ಐ(PLI) ಎಂಬುದು ನಮ್ಮ ಭಾರತೀಯ ಅಂಚೆ ಇಲಾಖೆಯು (Post Office) ನಡೆಸುವ ಒಂದು ಜೀವ ವಿಮಾಯೋಜನೆಯಾಗಿದೆ. ಇದು ಭಾರತದ ಅತ್ಯಂತ ಹಳೆಯ ಇನ್ಶೂರೆನ್ಸ್ ಯೋಜನೆಗಳಲ್ಲಿ ಒಂದಾಗಿದೆ.
ನೀವು ಇಲ್ಲಿ ಗಮನಿಸಬೇಕಾದ ಮುಖ್ಯ ವಿಷಯವೆಂದರೆ, ಇದು ಕೇವಲ ಲೈಫ್ ಕವರ್ (ಜೀವ ವಿಮೆ) ಮಾತ್ರವಲ್ಲ, ಇದರಲ್ಲಿ ಉಳಿತಾಯದ (Savings) ಗುಣಲಕ್ಷಣಗಳು ಕೂಡ ಸೇರಿಕೊಂಡಿವೆ. ಅಂದರೆ, ನೀವು ಕಟ್ಟುವ ಹಣ ನಿಮಗೆ ವಿಮೆಯ ರಕ್ಷಣೆಯನ್ನು ಕೊಡುವುದರ ಜೊತೆಗೆ, ಒಂದು ನಿರ್ದಿಷ್ಟ ಅವಧಿಯ ನಂತರ ಬೋನಸ್ ಸಮೇತ ದೊಡ್ಡ ಮೊತ್ತವಾಗಿ ಕೈಸೇರುತ್ತದೆ. ಇದು ಒಂದು ಸಾಂಪ್ರದಾಯಿಕ ಪಾರ್ಟಿಸಿಪೇಟಿಂಗ್ ಪಾಲಿಸಿ (Traditional Participating Policy) ತರಹ ಕೆಲಸ ಮಾಡುತ್ತದೆ.
PLI ಯೋಜನೆಯ ಪ್ರಮುಖ ಲಾಭಗಳು ಮತ್ತು ವೈಶಿಷ್ಟ್ಯಗಳು ಏನು?
ಭಾರತ ಸರ್ಕಾರದ ಸಾವರಿನ್ ಗ್ಯಾರಂಟಿ (Sovereign Guarantee)
PLI ನ ಅತ್ಯಂತ ದೊಡ್ಡ ಪ್ಲಸ್ ಪಾಯಿಂಟ್ ಎಂದರೆ ಇದಕ್ಕೆ ಭಾರತ ಸರ್ಕಾರದ 100% ಗ್ಯಾರಂಟಿ ಇರುತ್ತದೆ. ಖಾಸಗಿ ಕಂಪನಿಗಳು ಮುಳುಗಿ ಹೋಗಬಹುದು ಎಂಬ ಭಯ ಕೆಲವರಿಗೆ ಇರಬಹುದು, ಆದರೆ ಇಲ್ಲಿ ಆ ಭಯ ಇರುವುದಿಲ್ಲ. ಸರ್ಕಾರವೇ ಇದಕ್ಕೆ ಜವಾಬ್ದಾರಿಯಾಗಿರುವುದರಿಂದ ನಿಮ್ಮ ಹಣ ಸಂಪೂರ್ಣವಾಗಿ ಸುರಕ್ಷಿತವಾಗಿರುತ್ತದೆ ಮತ್ತು ಇದು ಸಂಪೂರ್ಣ ರಿಸ್ಕ್-ಫ್ರೀ (Risk-Free) ಯೋಜನೆಯಾಗಿದೆ.
ಯಾವುದೇ ಒಂದು ಇನ್ಶೂರೆನ್ಸ್ ಯೋಜನೆಗೆ ಸೇರುವ ಮುನ್ನ ಅದರ ಲಾಭಗಳೇನು ಎಂದು ತಿಳಿಯುವುದು ತುಂಬಾ ಮುಖ್ಯ. PLI ನಲ್ಲಿ ನಿಮಗೆ ಸಿಗುವ ಮುಖ್ಯ ಸೌಲಭ್ಯಗಳು ಇಲ್ಲಿವೆ:
1.ಕಡಿಮೆ ಪ್ರೀಮಿಯಂ, ಹೆಚ್ಚು ಬೋನಸ್
ಮಾರುಕಟ್ಟೆಯಲ್ಲಿರುವ ಇತರ ಸಾಂಪ್ರದಾಯಿಕ ಎಂಡೋಮೆಂಟ್ ಯೋಜನೆಗಳಿಗೆ ಹೋಲಿಸಿದರೆ PLI ನ ಪ್ರೀಮಿಯಂ ತುಂಬಾನೇ ಕಡಿಮೆ ಇರುತ್ತದೆ. ಆದರೆ ಸರ್ಕಾರ ಕೊಡುವ ವಾರ್ಷಿಕ ಬೋನಸ್ ಮಾತ್ರ ಬೇರೆ ಎಲ್ಲಾ ಕಂಪನಿಗಳಿಗಿಂತ ಹೆಚ್ಚಿರುತ್ತದೆ.
2.ಸುಲಭವಾಗಿ ಸಾಲ ಪಡೆಯುವ ಸೌಲಭ್ಯ (Loan Facility)
ನೀವು ಪಾಲಿಸಿ ಇಟ್ಟುಕೊಂಡು 3 ರಿಂದ 4 ವರ್ಷಗಳ ಕಾಲ ಸರಿಯಾಗಿ ಪ್ರೀಮಿಯಂ ಪಾವತಿಸಿದ್ದರೆ, ನಿಮಗೆ ಅನಿವಾರ್ಯ ಇರುವ ಸಂದರ್ಭಗಳಲ್ಲಿ ಅದೇ ಪಾಲಿಸಿಯ ಮೇಲೆ ಅಂಚೆ ಕಚೇರಿಯಿಂದಲೇ ಸುಲಭವಾಗಿ ಸಾಲ(Loan)ವನ್ನು ಪಡೆದುಕೊಳ್ಳಬಹುದು.
3.ಆದಾಯ ತೆರಿಗೆ ವಿನಾಯಿತಿ (Tax Benefits)
ನೀವು PLI ಗೆ ಕಟ್ಟುವ ಪ್ರೀಮಿಯಂ ಹಣಕ್ಕೆ ಹಳೆಯ ಆದಾಯ ತೆರಿಗೆ ನಿಯಮದ ಪ್ರಕಾರ ಸೆಕ್ಷನ್ 80C ಅಡಿಯಲ್ಲಿ ವಾರ್ಷಿಕವಾಗಿ ತೆರಿಗೆ ವಿನಾಯಿತಿ ಸಿಗುತ್ತದೆ. ಅಷ್ಟೇ ಅಲ್ಲ, ಪಾಲಿಸಿ ಮುಕ್ತಾಯವಾದಾಗ ನಿಮ್ಮ ಕೈಗೆ ಸಿಗುವ ಮೆಚ್ಯುರಿಟಿ ಮೊತ್ತ ಅಥವಾ ಡೆತ್ ಬೆನಿಫಿಟ್ ಮೊತ್ತಕ್ಕೂ ಸೆಕ್ಷನ್ 10(10D) ಅಡಿಯಲ್ಲಿ ಯಾವುದೇ ತೆರಿಗೆ ಇರುವುದಿಲ್ಲ.
PLI ಯೋಜನೆಗೆ ಯಾರೆಲ್ಲಾ ಅರ್ಹರು? (Eligibility)
ಮೊದಲು ಈ ಪಿಎಲ್ಐ ಯೋಜನೆ ಕೇವಲ ಸರ್ಕಾರಿ ನೌಕರರಿಗೆ ಮಾತ್ರ ಸೀಮಿತವಾಗಿತ್ತು. ಆದರೆ ಈಗ ಸರ್ಕಾರ ಇದರ ನಿಯಮಗಳನ್ನು ಸರಳಗೊಳಿಸಿದೆ ಮತ್ತು ಇದರ ವ್ಯಾಪ್ತಿಯನ್ನು ವಿಸ್ತರಿಸಿದೆ. ಪ್ರಸ್ತುತ ಯಾರೆಲ್ಲಾ ಈ ಯೋಜನೆಯನ್ನು ತೆಗೆದುಕೊಳ್ಳಬಹುದು ಎಂಬ ಪಟ್ಟಿ ಇಲ್ಲಿದೆ:
- ಸರ್ಕಾರಿ ಉದ್ಯೋಗಿಗಳು: ಕೇಂದ್ರ ಮತ್ತು ರಾಜ್ಯ ಸರ್ಕಾರದ ಎಲ್ಲಾ ನೌಕರರು.
- ರಕ್ಷಣಾ ಸಿಬ್ಬಂದಿ: ಮಿಲಿಟರಿ, ಪ್ಯಾರಾಮಿಲಿಟರಿ ಮತ್ತು ಡಿಫೆನ್ಸ್ ಸಿಬ್ಬಂದಿ.
- ಬ್ಯಾಂಕ್ ಉದ್ಯೋಗಿಗಳು: ರಾಷ್ಟ್ರೀಕೃತ ಬ್ಯಾಂಕ್ಗಳ ನೌಕರರು.
- ಸಾರ್ವಜನಿಕ ವಲಯದ ಸಂಸ್ಥೆಗಳು: ಪಿಎಸ್ಯು (PSU) ನೌಕರರು.
- ಸ್ಥಳೀಯ ಸಂಸ್ಥೆಗಳು: ಪೌರಕಾರ್ಮಿಕರು, ಪಂಚಾಯತ್ ರಾಜ್ ನೌಕರರು ಮತ್ತು ಸರ್ಕಾರಿ ಅನುದಾನಿತ ಶಿಕ್ಷಣ ಸಂಸ್ಥೆಗಳ ಸಿಬ್ಬಂದಿ.
- ವೃತ್ತಿಪರರು (Professionals): ಖಾಸಗಿಯಾಗಿ ಕೆಲಸ ಮಾಡುವ ವೈದ್ಯರು (Doctors), ಎಂಜಿನಿಯರ್ಗಳು (Engineers), ಚಾರ್ಟರ್ಡ್ ಅಕೌಂಟೆಂಟ್ಗಳು (CA), ವಕೀಲರು (Lawyers), ಮತ್ತು ಮಾಧ್ಯಮಗಳಲ್ಲಿ ಕೆಲಸ ಮಾಡುವ ಜರ್ನಲಿಸ್ಟ್ಗಳು.
- ಖಾಸಗಿ ಕಂಪನಿ ಉದ್ಯೋಗಿಗಳು: ಎನ್ಎಸ್ಇ (NSE) ಅಥವಾ ಬಿಎಸ್ಇ (BSE) ಷೇರು ಮಾರುಕಟ್ಟೆಯಲ್ಲಿ ಲಿಸ್ಟ್ ಆಗಿರುವ ಪ್ರಮುಖ ಪ್ರೈವೇಟ್ ಲಿಮಿಟೆಡ್ ಕಂಪನಿಗಳಲ್ಲಿ ಕೆಲಸ ಮಾಡುವ ನೌಕರರು.
- ಪದವೀಧರರು (Graduates): ನೀವು ಮೇಲೆ ಹೇಳಿದ ಯಾವುದೇ ಕೆಲಸದಲ್ಲಿ ಇಲ್ಲದಿದ್ದರೂ, ಸರ್ಕಾರದಿಂದ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಯಾವುದೇ ಡಿಗ್ರಿ (Degree) ಅಥವಾ ಡಿಪ್ಲೊಮಾ (Diploma) ಮುಗಿಸಿದ್ದರೆ, ನೀವು ಈ PLI ಪಾಲಿಸಿಯನ್ನು ಸುಲಭವಾಗಿ ಪಡೆಯಬಹುದು.
ವಯೋಮಿತಿ ಮತ್ತು ಕವರೇಜ್ ಮಿತಿ
ಈ ಯೋಜನೆಗೆ ಸೇರಲು ಕನಿಷ್ಠ 19 ವರ್ಷ ವಯಸ್ಸಾಗಿರಬೇಕು. ಗರಿಷ್ಠ ವಯಸ್ಸು ನೀವು ಆರಿಸಿಕೊಳ್ಳುವ ಯೋಜನೆಗೆ ತಕ್ಕಂತೆ 50 ರಿಂದ 55 ವರ್ಷ ಇರುತ್ತದೆ. ಆದರೆ ಇಲ್ಲಿರುವ ಒಂದು ಪ್ರಮುಖ ಮಿತಿ ಎಂದರೆ, ಒಬ್ಬ ವ್ಯಕ್ತಿ ಗರಿಷ್ಠ 50 ಲಕ್ಷ ರೂಪಾಯಿಗಳ ಕವರೇಜ್ (Sum Assured) ಮಾತ್ರ ಪಡೆಯಲು ಸಾಧ್ಯ.
PLI ನಲ್ಲಿರುವ 6 ಪ್ರಮುಖ ಮಾಸ್ಟರ್ ಪ್ಲಾನ್ಗಳು
ಪೋಸ್ಟಲ್ ಲೈಫ್ ಇನ್ಶೂರೆನ್ಸ್ನಲ್ಲಿ ಜನರ ಬೇಡಿಕೆಗೆ ತಕ್ಕಂತೆ 6 ವಿಭಿನ್ನ ಯೋಜನೆಗಳನ್ನು ರೂಪಿಸಲಾಗಿದೆ. ಅವುಗಳ ವಿವರ ಇಲ್ಲಿದೆ:
1)ಸುರಕ್ಷಾ (Whole Life Assurance)
ಇದು ಇಡೀ ಜೀವನದ ವಿಮಾ ಯೋಜನೆಯಾಗಿದೆ. ಅಂದರೆ ನೀವು 80 ವರ್ಷ ಬದುಕುವ ತನಕವೂ ಈ ಪಾಲಿಸಿ ನಿಮಗೆ ಇನ್ಶೂರೆನ್ಸ್ ಕವರ್ ನೀಡುತ್ತದೆ. ಇದರ ವಿಶೇಷತೆ ಏನೆಂದರೆ, ಇದರಲ್ಲಿ ಬೋನಸ್ ದರ ಅತ್ಯಂತ ಹೆಚ್ಚಿರುತ್ತದೆ (ಪ್ರತಿ ಸಾಸಿರ ರೂಪಾಯಿಗೆ ಸುಮಾರು 76 ರೂಪಾಯಿ ಬೋನಸ್ ಸಿಗುತ್ತದೆ). ಪಾಲಿಸಿದಾರರು ಮರಣ ಹೊಂದಿದಾಗ ಅವರ ಕುಟುಂಬಕ್ಕೆ ಪೂರ್ಣ ಹಣ ಸಂದಾಯವಾಗುತ್ತದೆ.
2)ಸಂತೋಷ್ (Endowment Assurance)
ಇದು PLI ನಲ್ಲಿ ಅತ್ಯಂತ ಜನಪ್ರಿಯವಾಗಿರುವ ಪ್ಲಾನ್ ಆಗಿದೆ. ಇಲ್ಲಿ ನೀವು ಒಂದು ನಿರ್ದಿಷ್ಟ ವಯಸ್ಸಿನವರೆಗೆ (ಉದಾಹರಣೆಗೆ 35, 40, 50, 55 ಅಥವಾ 60 ವರ್ಷ) ಪ್ರೀಮಿಯಂ ಕಟ್ಟುತ್ತಾ ಹೋಗಬೇಕು. ಆ ಅವಧಿ ಮುಗಿದ ತಕ್ಷಣ (Maturation), ನೀವು ಕಟ್ಟಿದ ಹಣ ಮತ್ತು ಅದಕ್ಕೆ ಸೇರಿದ ಒಟ್ಟು ಬೋನಸ್ ಹಣ ಒಟ್ಟಿಗೆ ನಿಮ್ಮ ಕೈಸೇರುತ್ತದೆ. ಇದರಲ್ಲಿ ಪ್ರತಿ1000 ರೂಪಾಯಿ ಗೆ ೫೨ ರೂಪಾಯಿ ಬೋನಸ್ ಇದೆ.
3)ಸುವಿಧಾ (Convertible Whole Life Assurance)
ಇದು ಆರಂಭದಲ್ಲಿ ‘ಸುರಕ್ಷಾ’ ಪ್ಲಾನ್ನಂತೆಯೇ ಇರುತ್ತದೆ. ಆದರೆ ಪಾಲಿಸಿ ಆರಂಭಿಸಿ 5 ವರ್ಷಗಳ ನಂತರ ನಿಮಗೆ ಅನಿಸಿದರೆ, ಇದನ್ನು ನೀವು ‘ಸಂತೋಷ್’ (ಎಂಡೋಮೆಂಟ್) ಪ್ಲಾನ್ ಆಗಿ ಬದಲಾಯಿಸಿಕೊಳ್ಳಬಹುದು (Convert). ಈ ರೀತಿಯ ನಮ್ಯತೆ (Flexibility) ಇರುವುದರಿಂದ ಇದಕ್ಕೆ ಸುವಿಧಾ ಎಂದು ಹೆಸರಿಡಲಾಗಿದೆ.
4)ಸುಮಂಗಲ್ (Anticipated Endowment Assurance)
ಇದು ಒಂದು ‘ಮನಿ-ಬ್ಯಾಕ್’ (Money-Back) ಪಾಲಿಸಿಯಾಗಿದೆ. ಅಂದರೆ ಪಾಲಿಸಿಯ ಅವಧಿ ಮುಗಿಯುವ ತನಕ ಕಾಯುವ ಅಗತ್ಯವಿಲ್ಲದೆ, ಮಧ್ಯ ಮಧ್ಯದಲ್ಲೇ ನಿಮಗೆ ಹಣದ ಅವಶ್ಯಕತೆ ಇದ್ದರೆ ಇದು ಸೂಕ್ತ. ಉದಾಹರಣೆಗೆ 15 ವರ್ಷದ ಪಾಲಿಸಿ ತಗೊಂಡರೆ, ಪ್ರತಿ 6ನೇ, 9ನೇ ಮತ್ತು 12ನೇ ವರ್ಷಕ್ಕೆ ಇಂತಿಷ್ಟು ಹಣ ಎಂದು ವಾಪಸ್ ಸಿಗುತ್ತದೆ. ಉಳಿದ ಹಣ ಕೊನೆಯಲ್ಲಿ ಸಿಗುತ್ತದೆ. ಇದು ಮಕ್ಕಳ ವಿದ್ಯಾಭ್ಯಾಸ ಅಥವಾ ಮದುವೆಗೆ ತುಂಬಾ ಸಹಕಾರಿ.
5)ಯುಗಳ್ ಸುರಕ್ಷಾ (Joint Life Assurance)
ಇದು ದಂಪತಿಗಳಿಗಾಗಿ ಇರುವ ಜಂಟಿ ವಿಮಾ ಯೋಜನೆಯಾಗಿದೆ. ಗಂಡ ಮತ್ತು ಹೆಂಡತಿ ಇಬ್ಬರಿಗೂ ಬೇರೆ ಬೇರೆ ಪಾಲಿಸಿ ಮಾಡುವ ಬದಲು, ಒಂದೇ ಪಾಲಿಸಿಯಲ್ಲಿ ಇಬ್ಬರಿಗೂ ಲೈಫ್ ಕವರ್ ಪಡೆಯಬಹುದು. ಇಬ್ಬರಲ್ಲಿ ಯಾರಿಗಾದರೂ ತೊಂದರೆಯಾದರೆ ಮತ್ತೊಬ್ಬರಿಗೆ ಇನ್ಶೂರೆನ್ಸ್ ಮೊತ್ತ ಸಿಗುತ್ತದೆ. ಹೊಸದಾಗಿ ಮದುವೆಯಾದ ಜೋಡಿಗಳಿಗೆ ಇದು ಉತ್ತಮ ಆಯ್ಕೆ.
6)ಬಾಲ ಜೀವನ್ ಬಿಮಾ (Children Policy)
ಇದು ಪಾಲಿಸಿದಾರರ ಮಕ್ಕಳ ಭವಿಷ್ಯಕ್ಕಾಗಿ ಇರುವ ಯೋಜನೆ. ಒಂದು ಕುಟುಂಬದ ಗರಿಷ್ಠ ಇಬ್ಬರು ಮಕ್ಕಳಿಗೆ ಈ ಪಾಲಿಸಿ ಮಾಡಿಸಬಹುದು. ಪಾಲಿಸಿ ಅವಧಿಯಲ್ಲಿ ತಂದೆ ಅಥವಾ ತಾಯಿಗೆ (ಮುಖ್ಯ ಪಾಲಿಸಿದಾರರಿಗೆ) ಏನಾದರೂ ಅನಾಹುತ ಸಂಭವಿಸಿದರೆ, ಮಕ್ಕಳ ಹೆಸರಿನಲ್ಲಿರುವ ಈ ಪಾಲಿಸಿಗೆ ಮುಂದೆ ಯಾವುದೇ ಪ್ರೀಮಿಯಂ ಕಟ್ಟಬೇಕಾಗಿಲ್ಲ. ಪಾಲಿಸಿ ಅವಧಿ ಮುಗಿದಾಗ ಮಗುವಿಗೆ ಪೂರ್ಣ ಮೆಚುರಿಟಿ ಹಣ ಸಿಗುತ್ತದೆ.
ಪ್ರಸ್ತುತ ದಿನಗಳಲ್ಲಿ PLI ನ ದೊಡ್ಡ ಮಿತಿ ಏನು?
PLI ಯೋಜನೆ ತುಂಬಾ ಸುರಕ್ಷಿತ ಮತ್ತು ಲಾಭದಾಯಕ ಹೌದು. ಆದರೆ ಇಂದಿನ ಹಣದುಬ್ಬರ (Inflation) ಮತ್ತು ದಿನಬೆಳಗಾದರೆ ಹೆಚ್ಚುತ್ತಿರುವ ಜೀವನ ವೆಚ್ಚವನ್ನು ನೋಡಿದರೆ, ಇದರಲ್ಲಿರುವ ಒಂದು ನಿಯಮ ದೊಡ್ಡ ಮಿತಿಯಾಗಿ ಕಾಣುತ್ತದೆ. ಅದೇನೆಂದರೆ ₹50 ಲಕ್ಷದ ಗರಿಷ್ಠ ಮಿತಿ.
ಒಮ್ಮೆ ಯೋಚನೆ ಮಾಡಿ, ಇಂದು ಸಿಟಿಯಲ್ಲಿ ಒಂದು ಸಣ್ಣ ಮನೆ ಅಥವಾ ಫ್ಲಾಟ್ ತಗೋಬೇಕಾದರೂ 60 ರಿಂದ 80 ಲಕ್ಷ ರೂಪಾಯಿ ಬೇಕು. ಮಕ್ಕಳ ಇಂಜಿನಿಯರಿಂಗ್ ಅಥವಾ ವೈದ್ಯಕೀಯ ಶಿಕ್ಷಣಕ್ಕೆ ಲಕ್ಷಾಂತರ ರೂಪಾಯಿ ಖರ್ಚಾಗುತ್ತದೆ. ಇಂತಹ ಸಂದರ್ಭದಲ್ಲಿ ಮನೆಯನ್ನು ನಡೆಸುವ ಮುಖ್ಯ ವ್ಯಕ್ತಿ ಇಲ್ಲದೇ ಹೋದಾಗ, ಆ ಕುಟುಂಬಕ್ಕೆ ಕೇವಲ 50 ಲಕ್ಷ ರೂಪಾಯಿ ಎಷ್ಟು ವರ್ಷಗಳ ಕಾಲ ಜೀವನ ನಡೆಸಲು ಸಾಕಾಗಬಹುದು? ಸಾಲ ತೀರಿಸಲು, ಮಕ್ಕಳ ಓದಿಗೆ ಮತ್ತು ದಿನನಿತ್ಯದ ಖರ್ಚಿಗೆ ಈ ಹಣ ಕೆಲವೇ ವರ್ಷಗಳಲ್ಲಿ ಖಾಲಿಯಾಗಿ ಬಿಡಬಹುದು.
ಇದೇ ಕಾರಣಕ್ಕೆ ಇಂದಿನ ಕಾಲದಲ್ಲಿ ಪಿಎಲ್ಐ ನೊಂದಿಗೆ ಮತ್ತೊಂದು ಬಲಿಷ್ಠವಾದ ಇನ್ಶೂರೆನ್ಸ್ ಹೊಂದುವುದು ಅನಿವಾರ್ಯವಾಗಿದೆ. ಅದೇ ಪ್ರೈವೇಟ್ ಟರ್ಮ್ ಇನ್ಶೂರೆನ್ಸ್ (Private Term Insurance).
ಪ್ರೈವೇಟ್ ಟರ್ಮ್ ಇನ್ಶೂರೆನ್ಸ್ ಏಕೆ ಮುಖ್ಯ?
ಟರ್ಮ್ ಇನ್ಶೂರೆನ್ಸ್ ಎಂಬುದು ಒಂದು ಶುದ್ಧ ಜೀವ ವಿಮೆಯಾಗಿದೆ (Pure Risk Cover). ಇಲ್ಲಿ ನೀವು ಕಟ್ಟುವ ಹಣಕ್ಕೆ ಯಾವುದೇ ಮೆಚುರಿಟಿ ಬೆನಿಫಿಟ್ ಇರುವುದಿಲ್ಲ, ಅಂದರೆ ನೀವು ಬದುಕಿದ್ದರೆ ವಾಪಸ್ ಯಾವುದೇ ಹಣ ಸಿಗುವುದಿಲ್ಲ. ಆದರೆ, ಒಂದು ವೇಳೆ ಪಾಲಿಸಿದಾರರಿಗೆ ಏನಾದರೂ ಆದಲ್ಲಿ ಅವರ ಕುಟುಂಬಕ್ಕೆ 1 ಕೋಟಿ, 2 ಕೋಟಿ ಅಥವಾ 5 ಕೋಟಿಯವರೆಗೆ ದೊಡ್ಡ ಮೊತ್ತದ ಹಣ ಸಿಗುತ್ತದೆ.
ಕಡಿಮೆ ಪ್ರೀಮಿಯಂಗೆ ದೊಡ್ಡ ಮೊತ್ತದ ಭದ್ರತೆ
ಟರ್ಮ್ ಇನ್ಶೂರೆನ್ಸ್ನ ಅತಿ ದೊಡ್ಡ ಲಾಭ ಎಂದರೆ ಇದರ ಪ್ರೀಮಿಯಂ ತುಂಬಾನೇ ಕಡಿಮೆ ಇರುತ್ತದೆ. ಉದಾಹರಣೆಗೆ, 25 ವರ್ಷದ ಒಬ್ಬ ಯುವಕ ತಿಂಗಳಿಗೆ ಕೇವಲ 500 ರಿಂದ 700 ರೂಪಾಯಿ ಪಾವತಿಸಿ ₹1 ಕೋಟಿ ರೂಪಾಯಿಗಳ ಟರ್ಮ್ ಇನ್ಶೂರೆನ್ಸ್ ಪಡೆಯಬಹುದು. ಕೇವಲ ವರ್ಷಕ್ಕೆ 6-7 ಸಾವಿರ ಖರ್ಚು ಮಾಡಿದರೆ ಇಡೀ ಕುಟುಂಬಕ್ಕೆ ಒಂದು ಕೋಟಿಯ ಆರ್ಥಿಕ ಶ್ರೀರಕ್ಷೆ ಸಿಗುತ್ತದೆ.
ಪಿಎಲ್ಐ ಮತ್ತು ಖಾಸಗಿ ಟರ್ಮ್ ಇನ್ಶೂರೆನ್ಸ್
ನಿಮ್ಮ ಸುಲಭ ತಿಳುವಳಿಕೆಗಾಗಿ ಇವೆರಡರ ನಡುವಿನ ವ್ಯತ್ಯಾಸಗಳನ್ನು ಈ ಕೆಳಗಿನ ಕೋಷ್ಟಕದಲ್ಲಿ ನೀಡಲಾಗಿದೆ:
| ವೈಶಿಷ್ಟ್ಯಗಳು | ಪೋಸ್ಟಲ್ ಲೈಫ್ ಇನ್ಶೂರೆನ್ಸ್ (PLI) | ಖಾಸಗಿ ಟರ್ಮ್ ಇನ್ಶೂರೆನ್ಸ್ (Term Insurance) |
| ಗರಿಷ್ಠ ವಿಮಾ ಮೊತ್ತ | ಗರಿಷ್ಠ ₹50 ಲಕ್ಷ ರೂಪಾಯಿ ಮಾತ್ರ. | ₹1 ಕೋಟಿಯಿಂದ ₹5 ಕೋಟಿ ಅಥವಾ ಅದಕ್ಕಿಂತ ಹೆಚ್ಚು (ನಿಮ್ಮ ಆದಾಯಕ್ಕೆ ತಕ್ಕಂತೆ). |
| ಮೆಚ್ಯುರಿಟಿ ಹಣ | ಹೌದು, ಅವಧಿ ಮುಗಿದಾಗ ಬೋನಸ್ ಸೇರಿ ಹಣ ವಾಪಸ್ ಸಿಗುತ್ತದೆ. | ಇಲ್ಲ, ಅವಧಿ ಮುಗಿದಾಗ ಯಾವುದೇ ಹಣ ವಾಪಸ್ ಸಿಗುವುದಿಲ್ಲ (ಶುದ್ಧ ವಿಮೆ). |
| ಪ್ರೀಮಿಯಂ ದರ | ಮಧ್ಯಮ ಪ್ರಮಾಣದಲ್ಲಿರುತ್ತದೆ (ಹಣ ವಾಪಸ್ ಸಿಗುವುದರಿಂದ ಪ್ರೀಮಿಯಂ ಕೊಂಚ ಹೆಚ್ಚು). | ತುಂಬಾನೇ ಕಡಿಮೆ ಇರುತ್ತದೆ (ಕಡಿಮೆ ದುಡ್ಡಿಗೆ ದೊಡ್ಡ ಕವರೇಜ್). |
| ರೈಡರ್ ಸೌಲಭ್ಯಗಳು | ಲಿಮಿಟೆಡ್ ಆಪ್ಷನ್ಗಳು ಮಾತ್ರ ಇರುತ್ತವೆ. | ಕ್ರಿಟಿಕಲ್ ಇಲ್ನೆಸ್ (ಕ್ಯಾನ್ಸರ್, ಹಾರ್ಟ್ ಅಟ್ಯಾಕ್ ಇತ್ಯಾದಿ), ಡಿಸೆಬಿಲಿಟಿ (ಅಂಗವೈಕಲ್ಯ) ರೈಡರ್ಗಳು ಸಿಗುತ್ತವೆ. |
| ತಂತ್ರಜ್ಞಾನ / ಕ್ಲೈಮ್ ಪ್ರಕ್ರಿಯೆ | ಆಫ್ಲೈನ್ ಪ್ರಕ್ರಿಯೆ ಜಾಸ್ತಿ, ಪೇಪರ್ ವರ್ಕ್ ಇರುತ್ತದೆ. ಸ್ವಲ್ಪ ಸಮಯ ಹಿಡಿಯಬಹುದು. | ಸಂಪೂರ್ಣ ಆನ್ಲೈನ್, ಮೊಬೈಲ್ ಆಪ್ ಮೂಲಕ ಸುಲಭ ಮತ್ತು ಅತ್ಯಂತ ವೇಗದ ಕ್ಲೈಮ್ ಸೆಟಲ್ಮೆಂಟ್. |
ತಂತ್ರಜ್ಞಾನ ಮತ್ತು ಸುಲಭ ಪ್ರಕ್ರಿಯೆ
ಇಂದಿನ ಡಿಜಿಟಲ್ ಜಗತ್ತಿನಲ್ಲಿ ನಮಗೆಲ್ಲರಿಗೂ ಸುಲಭವಾಗಿ ಕೆಲಸ ಆಗಬೇಕು. ಖಾಸಗಿ ಇನ್ಶೂರೆನ್ಸ್ ಕಂಪನಿಗಳು ಇಂದು ಸಂಪೂರ್ಣವಾಗಿ ಡಿಜಿಟಲ್ ಆಗಿವೆ. ನೀವು ಮನೆಯಲ್ಲೇ ಕುಳಿತು ಮೊಬೈಲ್ ಮೂಲಕ ಐದೇ ನಿಮಿಷದಲ್ಲಿ ಪಾಲಿಸಿ ಖರೀದಿಸಬಹುದು. ಯಾವುದೇ ಕಠಿಣ ಪೇಪರ್ ವರ್ಕ್ ಇರುವುದಿಲ್ಲ. ಅಷ್ಟೇ ಅಲ್ಲದೆ, ಇತ್ತೀಚಿನ ದಿನಗಳಲ್ಲಿ ಕ್ಲೈಮ್ ಸೆಟಲ್ಮೆಂಟ್ ರೇಶಿಯೋ (Claim Settlement Ratio) ಕೂಡ 99% ಕ್ಕಿಂತ ಹೆಚ್ಚಿದೆ. ಅಂದರೆ ಕಂಪನಿಗಳು ಸುಳ್ಳು ಕಾರಣಗಳನ್ನು ಹೇಳಿ ಕ್ಲೈಮ್ ತಿರಸ್ಕರಿಸುವ ಸಾಧ್ಯತೆ ತುಂಬಾನೇ ಕಡಿಮೆ ಇರುತ್ತದೆ.
ಆದರೆ ಸರ್ಕಾರಿ ಯೋಜನೆಗಳಲ್ಲಿ ಇಂದಿಗೂ ಸ್ವಲ್ಪ ಮಟ್ಟಿನ ಆಫ್ಲೈನ್ ಪ್ರಕ್ರಿಯೆ, ಫಾರ್ಮ್ ಭರ್ತಿ ಮಾಡುವುದು, ಆಫೀಸ್ಗೆ ಅಲೆಯುವುದು ಇದ್ದೇ ಇರುತ್ತದೆ. ಹಾಗಾಗಿ, ಇಂದಿನ ಯುವ ಪೀಳಿಗೆಗೆ ಖಾಸಗಿ ಟರ್ಮ್ ಇನ್ಶೂರೆನ್ಸ್ ಪ್ರಕ್ರಿಯೆಗಳು ಹೆಚ್ಚು ಇಷ್ಟವಾಗುತ್ತವೆ.
ವಯಸ್ಸು ಕಡಿಮೆಯಿದ್ದಾಗ ಇನ್ಶೂರೆನ್ಸ್ ಮಾಡಿಸುವುದರ ಲಾಭಗಳೇನು?
ನಮಗೆ ಇನ್ಶೂರೆನ್ಸ್ ಬಗ್ಗೆ ನೆನಪಾಗುವುದೇ 30 ಅಥವಾ 40 ವರ್ಷ ದಾಟಿದ ಮೇಲೆ. ಆದರೆ ಇನ್ಶೂರೆನ್ಸ್ ನಿಯಮದ ಪ್ರಕಾರ, ನಿಮ್ಮ ವಯಸ್ಸು ಎಷ್ಟು ಕಡಿಮೆ ಇರುತ್ತದೆಯೋ, ಅಷ್ಟು ಕಡಿಮೆ ಪ್ರೀಮಿಯಂ ನಿಮಗೆ ಸಿಗುತ್ತದೆ.
1.ಲಾಕ್ ಆಗುವ ಪ್ರೀಮಿಯಂ
ನೀವು 22 ಅಥವಾ 25ನೇ ವಯಸ್ಸಿನಲ್ಲಿ ಒಂದು ಟರ್ಮ್ ಇನ್ಶೂರೆನ್ಸ್ ತಗೊಂಡರೆ, ನಿಮಗೆ ತಿಂಗಳಿಗೆ ಕೇವಲ ₹500 ಪ್ರೀಮಿಯಂ ಬರಬಹುದು. ನೀವು 60 ವರ್ಷ ತಲುಪುವವರೆಗೂ ಅದೇ ₹500 ಪ್ರೀಮಿಯಂ ಇರುತ್ತದೆ, ಅದು ಬದಲಾಗುವುದಿಲ್ಲ.
2.ವಯಸ್ಸಾದಂತೆ ರಿಸ್ಕ್ ಹೆಚ್ಚು
ಅದೇ ನೀವು 40ನೇ ವಯಸ್ಸಿನಲ್ಲಿ ಇನ್ಶೂರೆನ್ಸ್ ಮಾಡಲು ಹೋದರೆ, ನಿಮಗೆ ಬಿಪಿ, ಶುಗರ್ ನಂತಹ ಕಾಯಿಲೆಗಳು ಬಂದಿರಬಹುದು. ಆಗ ಕಂಪನಿಗಳು ಪ್ರೀಮಿಯಂ ದರವನ್ನು ದುಪ್ಪಟ್ಟು ಅಥವಾ ಮೂರು ಪಟ್ಟು ಹೆಚ್ಚಿಸುತ್ತವೆ.
3.ಆರೋಗ್ಯದ ಲಾಭ
ಯೌವನದಲ್ಲಿ ಆರೋಗ್ಯ ಚೆನ್ನಾಗಿರುವುದರಿಂದ ಯಾವುದೇ ಮೆಡಿಕಲ್ ಟೆಸ್ಟ್ ಇಲ್ಲದೆಯೇ ಸುಲಭವಾಗಿ ಪಾಲಿಸಿ ಅಪ್ರೂವ್ ಆಗುತ್ತದೆ.
ಡಿಟ್ಟೋ (Ditto) ಪ್ಲಾಟ್ಫಾರ್ಮ್ ಸಹಾಯವನ್ನು ಹೇಗೆ ಪಡೆಯಬಹುದು?
ಇಷ್ಟೆಲ್ಲಾ ಕಂಪನಿಗಳಿರುವಾಗ ನಮಗೆ ಯಾವುದು ಬೆಸ್ಟ್? ಯಾರು ನಮಗೆ ಮೋಸ ಮಾಡದೆ ಸರಿಯಾದ ಪಾಲಿಸಿ ಕೊಡುತ್ತಾರೆ? ಹಿಡನ್ ಚಾರ್ಜ್ (Hidden Charges) ಎಲ್ಲಿ ಇರುವುದಿಲ್ಲ? ಎಂಬ ಗೊಂದಲ ಸಹಜ. ಈ ಗೊಂದಲ ನಿವಾರಣೆಗೆ ನೀವು Ditto (ಡಿಟ್ಟೋ) ಎಂಬ ಪ್ಲಾಟ್ಫಾರ್ಮ್ ಸಹಾಯ ಪಡೆಯಬಹುದು.
ಇವರು 100 ಪರ್ಸೆಂಟ್ ಫ್ರೀ ಆಗಿ advice ಮಾಡುತ್ತಾರೆ. ಬೆಂಗಳೂರಿನ ಕನ್ನಡಿಗರು ಕಟ್ಟಿರೊ ಕಂಪನಿ ಹಾಗೆ ಕನ್ನಡಿಗರೇ ಆಗಿರುವ ಬೆಂಗಳೂರಿನ ಉದ್ಯಮಿಗಳಾದ ಜಿರೋದ ಬ್ರದರ್ಸ್ ನಿಖಿಲ್ ಕಾಮತ್ ಮತ್ತು ನಿತಿನ್ ಕಾಮತ್ ಅವರ ಬೆಂಬಲಿತ ಸಂಸ್ಥೆ ಇದು. ಇವರು ಯಾವುದೇ spam call ಮಾಡಲ್ಲ ಹಾಗೂ ಟಾರ್ಗೆಟ್ ರೀಚ್ ಮಾಡೋಕೆ ಅಂತ ನಿಮಗೆ ಬೇಡವಾದ ಪಾಲಿಸಿಗಳನ್ನು advise ಕೂಡ ಮಾಡಲ್ಲ. Ditto ಗೆ google ನಲ್ಲಿ 4.9 star rating ಇದೆ.
ಕನ್ಸಲ್ಟೇಶನ್ ಅನ್ನು ನೀವು ಬುಕ್ ಮಾಡಿಕೊಡಿಳ್ಳಬಹುದು, ಕನ್ನಡದಲ್ಲೇ ಮಾತಾಡಿಕೊಂಡು ಅಥವಾ whatsapp ಅಲ್ಲಿ chat ಮಾಡಿಕೊಂಡು advice ಅನ್ನು ಪಡೆದುಕೊಳ್ಳಬಹುದು ಲಿಂಕ್ ಕೆಳಗೆ ಇದೆ.
| Ditto – Spam Free Term Insurance Advice |
ಡಿಟ್ಟೋದ ವಿಶೇಷತೆಗಳೇನು?
- ಸ್ಪ್ಯಾಮ್ ಕರೆಗಳಿಲ್ಲ (No Spam Calls)
ನೀವು ಡಿಟ್ಟೋ ವೆಬ್ಸೈಟ್ಗೆ ಹೋದರೆ ಅವರು ನಿಮಗೆ ದಿನಕ್ಕೆ ಹತ್ತು ಬಾರಿ ಕರೆ ಮಾಡಿ ಪಾಲಿಸಿ ತಗೊಳ್ಳಿ ಎಂದು ಪೀಡಿಸುವುದಿಲ್ಲ.
- ಸರಿಯಾದ ಸಲಹೆ
ಅವರು ನಿಮಗೆ ಬೇಕಾದ ಮತ್ತು ನಿಮ್ಮ ಬಜೆಟ್ಗೆ ಹೊಂದುವ ಪಾಲಿಸಿಯನ್ನು ಮಾತ್ರ ಸಜೆಸ್ಟ್ ಮಾಡುತ್ತಾರೆ. ಅನಗತ್ಯ ಪಾಲಿಸಿಗಳನ್ನು ನಿಮ್ಮ ತಲೆಗೆ ಕಟ್ಟುವುದಿಲ್ಲ.
- ಕನ್ನಡಿಗರದ್ದೇ ಕಂಪನಿ
ಇದು ನಮ್ಮ ಬೆಂಗಳೂರಿನ ಕನ್ನಡಿಗರೇ ಕಟ್ಟಿ ಬೆಳೆಸಿದ ಕಂಪನಿ. ಜೊತೆಗೆ ‘ಜೀರೋದಾ’ (Zerodha) ಬ್ರೋಕರೇಜ್ ಸಂಸ್ಥೆಯ ನಿತಿನ್ ಕಾಮತ್ ಮತ್ತು ನಿಖಿಲ್ ಕಾಮತ್ ಅವರ ಬೆಂಬಲ ಇರುವ ಸಂಸ್ಥೆಯಾಗಿದೆ.
- ಉಚಿತ ಸಮಾಲೋಚನೆ
ಇಲ್ಲಿ ನೀವು ಸಂಪೂರ್ಣವಾಗಿ ಉಚಿತವಾಗಿ ತಜ್ಞರೊಂದಿಗೆ (IRDAI Certified Experts) ಚಾಟ್ ಅಥವಾ ಕಾಲ್ ಮೂಲಕ ಮಾತನಾಡಿ ಸಲಹೆ ಪಡೆಯಬಹುದು. ನಿಮ್ಮ ಕ್ಲೈಮ್ ಸಂದರ್ಭದಲ್ಲೂ ಅವರ ತಂಡ ಸಹಾಯ ಮಾಡುತ್ತದೆ.
ಉಪಸಂಹಾರ : ನಿಮ್ಮ ಅಂತಿಮ ನಿರ್ಧಾರ ಏನಿರಬೇಕು?
ಕೊನೆಯದಾಗಿ ಹೇಳಬೇಕೆಂದರೆ, ಪೋಸ್ಟಲ್ ಲೈಫ್ ಇನ್ಶೂರೆನ್ಸ್ (PLI) ಎನ್ನುವುದು 100% ಸುರಕ್ಷಿತವಾದ, ಗ್ಯಾರಂಟಿ ಹಣ ಕೊಡುವ ಒಂದು ಅತ್ಯುತ್ತಮ ಉಳಿತಾಯ ಮತ್ತು ವಿಮಾ ಯೋಜನೆಯಾಗಿದೆ. ನೀವು ಸರ್ಕಾರಿ ನೌಕರರಾಗಿದ್ದರೆ ಅಥವಾ ಡಿಗ್ರಿ ಮುಗಿಸಿದ್ದರೆ ಖಂಡಿತವಾಗಿಯೂ ಪಿಎಲ್ಐ ನಲ್ಲಿ ಒಂದು ಪಾಲಿಸಿ ಮಾಡಿಸಿ, ಅದು ನಿಮ್ಮ ಭವಿಷ್ಯದ ಉಳಿತಾಯಕ್ಕೆ ಒಳಿತನ್ನು ಮಾಡುತ್ತದೆ.
ಆದರೆ, ಕೇವಲ ಪಿಎಲ್ಐ ನ ನಂಬಿ ಕೂರಬೇಡಿ. ಅದರ ಜೊತೆಗೆ ನಿಮ್ಮ ಕುಟುಂಬದ ದೊಡ್ಡ ಮಟ್ಟದ ಆರ್ಥಿಕ ಭದ್ರತೆಗಾಗಿ ಒಂದು ಕನಿಷ್ಠ 1 ಕೋಟಿ ರೂಪಾಯಿಯ ಪ್ರೈವೇಟ್ ಟರ್ಮ್ ಇನ್ಶೂರೆನ್ಸ್ ಅನ್ನು ಕೂಡ ಮಾಡಿಸಿಕೊಳ್ಳಿ. ಮಳೆ ಬಂದಾಗ ಒಂದು ಸಣ್ಣ ಛತ್ರಿ (PLI) ನಮಗೆ ಸಹಾಯ ಮಾಡಬಹುದು, ಆದರೆ ಬಿರುಗಾಳಿ ಸಹಿತ ಭಾರಿ ಮಳೆ ಬಂದಾಗ ನಮಗೆ ದೊಡ್ಡದಾದ ಬಲಿಷ್ಠವಾದ ಛತ್ರಿಯ (Term Insurance) ಅಗತ್ಯವಿರುತ್ತದೆ. ಇವೆರಡರ ಕಾಂಬಿನೇಷನ್ ನಿಮ್ಮ ಕುಟುಂಬವನ್ನು ಎಲ್ಲಾ ರೀತಿಯ ಆರ್ಥಿಕ ಕಷ್ಟಗಳಿಂದ ಸದಾ ರಕ್ಷಿಸುತ್ತದೆ. ನಿಮ್ಮ ಭವಿಷ್ಯದ ನಿರ್ಧಾರಗಳನ್ನು ಬುದ್ಧಿವಂತಿಕೆಯಿಂದ ತೆಗೆದುಕೊಳ್ಳಿ.
ಹಕ್ಕುತ್ಯಾಗ (Disclaimer): ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಕೇವಲ ಸಾಮಾನ್ಯ ಜ್ಞಾನಕ್ಕಾಗಿ ಮಾತ್ರ. ಇದನ್ನು ಯಾವುದೇ ರೀತಿಯ ಅಧಿಕೃತ ಆರ್ಥಿಕ ಅಥವಾ ಕಾನೂನು ಸಲಹೆ ಎಂದು ಪರಿಗಣಿಸಬಾರದು. ಇನ್ಶೂರೆನ್ಸ್ ನಿಯಮಗಳು ಮತ್ತು ಪ್ರೀಮಿಯಂ ದರಗಳು ಕಾಲಕಾಲಕ್ಕೆ ಬದಲಾಗುತ್ತಿರುತ್ತವೆ. ಆದ್ದರಿಂದ, ಯಾವುದೇ ಪಾಲಿಸಿ ಖರೀದಿಸುವ ಮುನ್ನ ನಿಯಮ ಮತ್ತು ನಿಬಂಧನೆಗಳ (Terms & Conditions) ದಾಖಲೆಗಳನ್ನು ಪೂರ್ಣವಾಗಿ ಓದಿ ಅಥವಾ ನುರಿತ ಹಣಕಾಸು ಸಲಹೆಗಾರರನ್ನು ಸಂಪರ್ಕಿಸಿ ನಿರ್ಧಾರ ತೆಗೆದುಕೊಳ್ಳಿ. ನಿಮ್ಮ ಆರ್ಥಿಕ ನಿರ್ಧಾರಗಳಿಗೆ ನೀವೇ ಜವಾಬ್ದಾರರಾಗಿರುತ್ತೀರಿ.